UEFA Çempionlar Liqasının 5-ci turunda “Bavariya” “Atletiko”nun qonağı olacaq.
Meydan sahibləri ilk turda Münhen təmsilçisi ilə görüşmüş və 4 cavabsız qolla məğlub olmuşdular. 5 xalla ikinci pillədə qərarlaşan Madrid klubunun futbolçuları xal ehtiyatını yaxşılaşdırmaq üçün qalib gəlmək niyyətindədirlər. “Bavariya” da Madridə qələbə dalınca gəlib. Maksimal nəticə ilə pley-offa vəsiqəni təmin edən komandanın baş məşqçisi Hans-Diter Flik “Atletiko” ilə görüşün çətin keçəcəyini bildirib: “Ötən tur pley-offa vəsiqə təmin etməyimizə baxmayaraq bu dəfə də qələbəyə iddialıyıq. Ümid edirəm, futbolçularımız arxaynlaşmaz. Yoxsa bu, bizə baha başa gələcək. “Atletiko” ilə oyun çətin keçəcək. Amma 3 xal uğrunda əlimizdən gələni edəcəyik”.
Qeyd edək ki, “Atletiko” – “Bavariya” görüşü gecə yarısı başlanacaq.